Россиялык жаран учактан 8 миң евросун жоготуп, кыргыз бажычылары таап берди

Евро купюралары. Архив - Sputnik Кыргызстан, 1920, 09.04.2022
Жазылуу
Yandex newsTelegram
Шектүү катары эки чет элдик жаран кармалып, аэропорттун милиция бөлүмүнө тапшырылган.
БИШКЕК, 9-апр. — Sputnik. "Манас" бажысынын кызматкерлери 7 900 евросун уурдатып алган Стамбул — Бишкек авиарейсинин жүргүнчүсүнө жардам беришти.
Россиянын Н. Д. Н. аттуу жараны Стамбулдан саат 6:35те келген. Ал "Манас" бажысы менен чек арачыларга кайрылып, аба кеменин бортунан ири суммадагы акчасын жоготуп алганын билдирген.
Бажычылар аэропорттун коопсуздук кызматына, милиционерлерге жана башка көзөмөлдөөчү органдарга кабар беришкен. Бул рейс менен келген ар бир жүргүнчү дыкат текшерүүдөн өткөрүлгөн.

"Натыйжада аталган сумма табылган. Шектүү катары эки чет элдик жаран кармалып, аэропорттун милиция бөлүмүнө тапшырылды", — деди Мамлекеттик чек ара кызматынан.

Россиянын жараны ыкчам чара көргөн бажы кызматынын жана башка көзөмөл органдарынын өкүлдөрүнө ыраазычылык билдирди.
Кармалган баңгизаттын ири партиясы - Sputnik Кыргызстан, 1920, 09.04.2022
Лейлектин тургуну кыргыз-казак чек арасынан 24 кг. баңгизат менен кармалды
Жаңылыктар түрмөгү
0