Бишкектеги Нооруздан Кытайда кулаган учакка чейин. Апта ирмеми

Нооруз майрамына карата Бишкектеги "Ала-Тоо" аянтында болгон концерттик программа. Ага театр менен жергиликтүү эстрада жылдыздары катышты.

Кытайдын Жарандык авиация башкармалыгынын жетекчиси Ху Чжэньцзя жүрөк үшүткөн маалыматты билдирди. "Кырсыктаган Boeing 737 учагынын ичиндегилердин баарын курман болду деп эсептейбиз", — деди ал. Адистер борттогу 120 адамдын ДНКсын изилдеп, тактап чыгышкан.

Бишкекте Россияны колдогон митинг өттү. Ал Максим Горький атындагы паркта болуп, аны чакан концерт коштоду.

Мариуполдун жашоочуларына Россиянын гуманитардык жардам таратып берген учурунан бир көрүнүш

УКМКнын Чек ара кызматы менен ӨКМге жаңы техникаларды тапшыруу учуру. Бюджеттин каражатына россиялык өндүрүштөн чыккан 55 "Тигр" сатып алынды.

Президент Садыр Жапаров аскердик техникаларды тапшыруу аземинен кийин ок өтпөс "Тигр" автоунаасын айдап, сынап көрдү

Тэгу шаарында белгисиз бирөө Түштүк Кореянын мурдагы президенти Пак Кын Хени көздөй айнек бөтөлкө ыргыткан

Президент Садыр Жапаров эл каттоочуларды үйүндө кабыл алды. Каттоочу мобилдик тиркеменин жардамы менен Жапаровдун үй-бүлөсү тууралуу бардык маалыматтарды жеринде жазып алган. Кыргызстанда элди жана турак жай фондун каттоо 25-марттан 3-апрелге чейин уланат. Республиканын алыскы аймактарында каттоо 23-апрелден 2-майга чейин жүргүзүлөт. Эл каттоого убактылуу 28 миң кызматкер (координаторлор, инструктор-көзөмөлдөөчүлөр жана эл каттоочулар) тартылган.

Киевдеги капталы түшүп калган, талкаланган үйдүн көрүнүшү

Бишкекте марттын кары жаады. Синоптиктердин айтымында, Кыргызстанда айдын аягына чейин күндүн көзү улам бузулуп турат.

Жеткирип берүү кызматында иштеген аял коронавирустан улам Шанхайдагы тосулган аймактын жашоочусуна тамагын берип жатат

Ультраортодоксалдык еврейлер Тель-Авивден алыс эмес жерде маркумду акыркы жайына узатуу учурунда

Жаңы Орлеанды (Луизиана, АКШ) каптаган торнадонун кесепети

Киевдин чет жакасына снаряд түшүп, күйүп жаткан кампанын жанында кетип бара жаткан киши

27-мартта Кара-Балта шаарында Кыргызстанда туулуп-өсүп, Украинада курман болгон Рустам Зарифулиндин сөөгү тарыхый мекенинде жерге берилди. Жоокердин сөөгүн Кыргызстанга 26-мартта эртең менен алып келишкен.