Өкмөт дүкөндөн чек чогулткандар үчүн лотерея ойнотууга белсенүүдө

© REUTERS / Wolfgang RattayДүкөндөгү маскачан кассир. Архив
Дүкөндөгү маскачан кассир. Архив - Sputnik Кыргызстан, 1920, 02.12.2021
Жазылуу
Экономика жана коммерция министри мамлекеттик лотерея ойнотуу боюнча токтом долбоору учурда даяр экенин айтты.
БИШКЕК, 2-дек. — Sputnik. Сатуудан түшкөн салыкты көбөйтүү максатында мамлекеттик лотерея ойнотуу ыкмасы колдонулат. Бул тууралуу экономика жана коммерция министри Данияр Амангелдиев парламентте билдирди.
Жыйында депутат Дастан Бекешев элге чек чогултууга стимул берүү керектигин айтты.
"Мен муну 2012-жылдан бери айтып келе жатам. Мисалы, беш автоунаа, телефон, телевизор сатып алып улуттук лотереяны киргизиңиздер. Аны жыл аягында өткөрүш керек. Ошондо жарандар дүкөндөрдөн чек талап кылып чогултуп калмак. Ал чек автоматтык түрдө лотерея болуп эсептелет. Ошондо сатуу салыгынан түшкөн каражат болуп көрбөгөндөй көбөймөк", — деди Бекешев.
Банктык карталар жана акча. Архив - Sputnik Кыргызстан, 1920, 02.12.2021
Салык кызматы ишкерлердин банктык эсебин көрө алат. Жаңы кодекстеги норма
Амангелдиев мамлекеттик лотерея ойнотуу боюнча токтом долбоору учурда даяр экенин айтты. Мындан сырткары, кэшбэк (бонус) чогултуу каралууда. Мында чекте көрсөтүлгөн сумманын сатуу салыгынан түшкөн бөлүгүн кайтарып берет.
Министр ушул эки ыкманы элге жайылтуу боюнча маалыматтык кампания жүргүзүү үчүн каражат бөлүнгөнүн да белгиледи.
Жаңылыктар түрмөгү
0