ТИМ Казакстандан кыргызстандыктардын виза алуу үчүн кирүүсүнө уруксат сурады 

© Sputnik / Жоомарт УраимовКыргыз-казак чек арасындагы "Ак-Жол" өткөрүү пункту. Архив
Кыргыз-казак чек арасындагы Ак-Жол өткөрүү пункту. Архив - Sputnik Кыргызстан, 1920, 25.06.2021
Жазылуу
Yandex newsTelegram
Казакстандын Кыргызстандагы элчиси алардын аймагына кирүү чечимин атайын түзүлгөн ведомстволор аралык комиссия кабыл аларын айткан. 
БИШКЕК, 25-июн. – Sputnik. Тышкы иштер министринин орун басары Азизбек Мадмаров кыргызстандыктардын чет мамлекетке барууга виза алуу үчүн Казакстандын аймагына кирүүгө уруксат сурады. Бул тууралуу министрликтин маалымат кызматы кабарлады. 
Билдирмеге караганда, Мадмаров 25-июнда кыргыз тараптын демилгеси менен Казакстандын Кыргызстандагы элчиси Рапиль Жошыбаев менен жолугушкан. 
Анда тараптар коронавирустан улам чек арадан өтүү маселелерин талкуулашкан. 
"Министрдин орун басары чет мамлекетке кетүүгө виза алуу үчүн Нур-Султан жана Алматы шаарларына бара жаткан кыргызстандыктардын Казакстанга кирүүсүнө компетенттүү органдардан уруксат алууга көмөктөшүү өтүнүчүн билдирди. Мадмаров бул маселе учурда чет өлкөгө билим алууга кете турчу кыргызстандыктар үчүн маанилүү болуп жатканын белгиледи", — деп айтылат маалыматта. 
В Казахстане началось производство вакцины Sputnik V - Sputnik Кыргызстан, 1920, 25.06.2021
Элчи менен сүйлөшкөнбүз. Министр Бейшеналиев QazVac вакцинасы тууралуу
Андан соң аталган маселе боюнча тышкы иштер министри Руслан Казакбаевдин Казакстандын премьер-министринин орун басары, тышкы иштер министри Мухтар Бескенулы Тлеубердиге жазган кайрылуу каты тапшырылган. 
Элчи Жошыбаев Казакстандын аймагына кирүү чечимин атайын түзүлгөн ведомстволор аралык комиссия кабыл аларын айтып, кыргыз тараптын бул кайрылуусун комиссиянын кезектеги жыйынында бере турганын белгилеген.
Жаңылыктар түрмөгү
0