Үрөй учурган көрүнүш. Жөргөмүштөрдүн аймакты каптап, желе тарткан видеосу
12:16 17.06.2021 (Жаңыртылды: 14:27 14.12.2021)
© YouTube / 10 News First
Жазылуу
Австралиянын Виктория штатындагы Гиппсленд аймагында кудум үрөй учурган кинолордогудай көрүнүш болууда. Айлананын баарын тегиз желе каптап, ага кошумча жөргөмүштөрдүн жүргөнүн көрүүгө болот.
Миңдеген жөргөмүштөр дүрбөлөңгө түшүп, жердин үстүн каптагандыгын "National Geographic Россия" сайты жазды.
Окумуштуулар мындай көрүнүш планетада кайталанып турарын айтканы менен социалдык тармактардын колдонуучулары жөргөмүштөр каптап, желенин килем сымал жайылышы үрөй учурганын жазып жатат.
Arachnophobes, look away now!
— 9News Perth (@9NewsPerth) June 15, 2021
Cobwebs have blanketed a town in Gippsland, after intense flooding in the area sparked a spider invasion. #9News pic.twitter.com/OuJpWHUfc4
Адистер коркуп кетип бул жаныбарларга ууландыруучу заттарды чачып, колдонбоону суранып жатышат. Алар бул "планетанын маанилүү экологиялык системасы" деп ынандырышууда.
Посмотреть эту публикацию в Instagram
"Жөргөмүштөр адатта желени тамак табыш үчүн тартат. Бирок бул учур, кыязы, кандайдыр бир кырсыктын белгиси болушу мүмкүн. Нөшөрлүү жамгыр менен суу ташкындарынан улам Гиппсленддин жер катмары өтө нымдуу болуп кеткен. Жер алдына, жалбырактарга жашынган жөргөмүштөр мындай жагдайдан кийин качып, жер үстүнө чыга башташкан. Алар көп болуп кеткенде желе "килемге" айланып калат", — деп жазган "National Geographic Россия" сайты.
Видеодон аппак желелер катмарланып бир нече метрге созулуп, түркүктөргө, бактарга оролуп, ал эми алардын үстүндө миңдеген жөргөмүштөрдүн жүргөнүн көрүүгө болот.
Посмотреть эту публикацию в Instagram
