Динозаврдын статуясына түшүп кетип чыга албай калган киши көз жумду. Видео

© AFP / LLUIS GENEИчинен кишинин сөөгүн табылган Испаниядагы динозаврдын статуясы
Ичинен кишинин сөөгүн табылган Испаниядагы динозаврдын статуясы - Sputnik Кыргызстан, 1920, 26.05.2021
Жазылуу
Статуянын ичинен телефон аппаратын эңкейип алам деген киши башы менен түшүп, ошол бойдон чыга албай калган.
БИШКЕК, 26-май — Sputnik. Испанияда полиция кызматкерлери динозаврдын статуясынын ичинен кишинин сөөгүн тапкан. Бул туурасында The Guardian басылмасы кабарлады.
Окуя Барселона шаарынын четинде жайгашкан Санта-Колома-де-Граменет деп аталган аймакта болгон. Ишемби күнү жашоочулардын бири баласы менен сейилдеп жүрүп, динозаврдын статуясынын ичинен жагымсыз жыт келип жаткандыгын сезген. Эстеликтен адамдын бутуна окшогон нерсенин чыгып турганын байкап, полиция чакырган.
"Алдын ала божомолго караганда, киши статуянын ичине телефон аппаратын түшүрүп жиберип, аны өз алдынча алып чыкканга аракет кылган. Ал эңкейип, бирок өйдө боло албай буту асманды караган боюнча кала берген. Медиктер өлүктүн ичин ачып жыйынтыгын айткандан кийин сөөктүн канча жаткандыгын билебиз. Кыязы, эки күнгө чейин калып калган окшойт", — деген аймактык полициянын өкүлү Моссос Д"Эскуадра.

Посмотреть эту публикацию в Instagram

Публикация от Más que Guardia Civil (@masqueguardiacivil)

Ичинен өлүктү тапкандан кийин динозаврдын статуясын ал жерден алып салышкан. Эстелик ал жерге эски кинотеатрды реклама кылуу үчүн орнотулгандыгын айтышты.
Жаңылыктар түрмөгү
0