БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштей баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.
ВУЗы будем открывать после НГ, потерпите пжл. По садикам вопросов/сложностей в городах больше, рассматриваем. Вопрос лишь в том, вытянем ли массовый наплыв тяжелых (пожилых и хроников) в больницах. #БерегитеСебя
— Эльвира Сурабалдиева (@ElviraSur) November 29, 2020
Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.
Думаю что со школами по всему КР стоит лишь один вопрос- открытия, по просьбам родителей и учителей. Втихаря город бегает с учителя по частным помещениям, за отдельную плату обучая их. Смысл в таких махинациях?
— Эльвира Сурабалдиева (@ElviraSur) November 29, 2020
Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.
"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.
Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.
