БИШКЕК, 3-ноя. — Sputnik. Өлкөнүн түштүк аймагында COVID-19дан дагы коркунучтуу эки нерсе бар, ошондуктан эл менен жүзмө-жүз көрүшүп жатам. Бул туурасында президенттин милдетин аткаруучу Садыр Жапаров Ош облусунун эли менен жолуккан учурда билдирди.
Биринчи коркунуч — чек арадагы кооптуулук, экинчиси — улуттар аралык жаңжал чыгып кетүү деген пикирин айткан.
"Бул нерсени телевидение аркылуу да айтып, элге кайрылсак болмок. Бирок сиздер менен жүзмө-жүз көрүшүп маселени жеринен көрөйүн деп келип жатабыз", — деди Жапаров.
Кылкылдаган эл. Жапаровдун Баткендеги сапарындагы жолугушуунун сүрөтү
Жапаров учурда Ош шаарынын борбордук стадионунда жергиликтүү тургундар менен жолугуп, суроолоруна жооп берип жатат. Бүгүн да миңдеген адам жыйналган.
