Борбор Азиянын коопсуздугу үчүн ЖККУ, КМШ жана ШКУнун кызматташтыгы кандай болууда?
09:04 21.10.2026 (Жаңыртылды: 12:37 21.10.2026)
© Sputnik / Асылбек Бактыбеков
Жазылуу
Жасалма интеллект коопсуздукка байланышкан жаңы коркунучтарды жаратышы мүмкүн экенин саясат таануу илимдеринин доктору, эксперт Токон Мамытов “Күн башат” программасында маек берип жатып айтты.
Анын баамында, жасалма интеллект банк системасына, финансы секторуна, коммуникация, дата-борборлорго, энергетикага да кедергисин тийгизиши мүмкүн.
“Коопсуздук жөнүндө сөз болгондо тиешелүү адистер, эксперттер кандай гана аянтча болбосун чек ара иши, аскердик коопсуздук, терроризм, экстремизм маселелери тууралуу пикир алмашып, актуалдуу көйгөйлөр талкууланып келген. Ал эми акыркы 5-10 жылда жасалма интеллект учурдун чакырыгы жана коркунучу да болуп баратат. Туура, анын адамзат үчүн пайдасы тийип, медицинада, экономика, транспорт, логистика, космосто, илимде, билим берүүдө активдүү колдонулуп жатат. Бирок жаңы коркунучтар да пайда болду. Эң оболу, жасалма интеллект банк системасына, финансы секторуна, коммуникация, дата-борборлорго, энергетикага да кедергисин тийгизиши мүмкүн. Борбор Азия өлкөлөрү аймактык коопсуздукту камсыз кылууда ЖККУ, КМШ жана ШКУнун алкагында да ушул темага маани берип баштады. Азыр зарыл чаралар көрүлбөсө, кыйын жагдайлар жаралышы мүмкүн”, — деди Мамытов.
Эксперт Борбор Азия өлкөлөрү аймактык коопсуздукту камсыз кылууда биргелешип аракет көрүшү керектигин кошумчалады.
