БИШКЕК, 23-авг. — Sputnik. 2018 VP1 астероиди ушул жылдын 2-ноябрында Жерге жакын аралыкка келет. Бул тууралуу НАСА уюмуна караштуу сайт жазганын РИА Новости билдирди.
Маалыматка ылайык, 2018 VP1 астероиди 2-ноябрда Бишкек убактысы боюнча болжол менен 21:33тө Жер планетасынан 284 миң чакырым аралыктан учуп өтөт.
НАСА белгилегендей, астероиддин планетанын атмосферасына кирүү ыктымалдуулугу 240тан бир гана мүмкүнчүлүктү же 0,41 пайызды түзөт.
Астероид 2018-жылдын 3-ноябрында ачылган. Ал Жердин орбитасы менен кесилишкен "Аполлондор" тобуна кирет.
