БИШКЕК, 13-май — Sputnik. Күзүндө адамдар коронавирус инфекциясына чындап таасир бере турчу дарыны ала алат. Бул тууралуу "Известия" басылмасына вирусолог, геномдук инженерия лабораториясынын башчысы Павел Волчков маек куруп жатып билдирген.
Анын айтымында, кеп Regeneron Pharmaceuticals компаниясынын окумуштуулары тарабынан иштелип чыккан препарат жөнүндө болуп жатат. Анын түзүлүшү антителолорду жасалма жол менен кошуп, иммундук системанын ооруга каршы күрөшүүсүнө жардам берген ыкмага негизделген.
"Биз мындай жол менен иммундук системанын вируска жооп кайтарышын тездетип жатабыз. Дарынын клиникалык сыноолору июнь айында жүргүзүлсө, күзүндө препарат чыгып калышы керек", — деген Волчков.
Вирусолог COVID-19 менен ооругандардан алынган табигый антителолордун натыйжалуулугу таптакыр башкача болушу мүмкүн экендигин белгилеген. Аталган компания эң жакшы антителону тандап алып, аны клондоштурган. Ошондой эле ал эпидемия менен натыйжалуу күрөшүп жатканын кошумчалаган.
Учурда Россияда 230 миңден ашуун адам вирус жуктуруп, анын 43 миңи айыкты. Ал эми көз жумгандар эки миңден көп.
