БИШКЕК, 14-июн. — Sputnik. Кытай лидери Си Цзиньпин ШКУга мүчө мамлекет башчыларынын жыйынында сүйлөп жатып, кыргыз макалын кошуп кетти.
"Кыргыздын "Ырыс алды — ынтымак" деген макалында айтылгандай, ынтымак — бактылуулуктун негизи. Эмесе, шанхай духу менен кадамдаш бололу", — деди Си Цзиньпин.
Кытай лидери Кыргызстанды ШКУ саммитин ийгиликтүү өткөрүшү менен куттуктады.
Белгилей кетсек, ШКУга кирген мамлекеттердин жалпы аянты Евразиянын 60 пайызын ээлейт. Ал эми калкы дүйнө жүзүндөгү элдин жарымын түзөт.
Sputnik Кыргызстан саммиттен тексттик трансляция жүргүзүп жатат.
