"Кыргыз почтасынын" кызматкерлери Жол кыймылы коопсуздугун камсыздоо боюнча башкы башкармалыктын Мониторинг борборунун жетекчиси Гүлмира Баратова менен биргеликте айып кагаздарын таратышты. Тагыраагы, алар жол кыймылынын эрежесин бузганда толтурулган протоколдор. Бул туурасында аталган башкармалыктын маалымат кызматы билдирди.
Кадрдан почта кызматкери айып кагазы келген адамды чакырып, аны тапшырып жатканын көрүүгө болот. Үйүнөн чыккан аял автоунаага бир кезде ээлик кылгандыгын, бирок аны башкаларга сатып жиберип, бирок жаңы ээсине каттата электигин айткан.
Баратова аялга бусикти жаңы кожоюнуна каттатып берүү керектигин эскерткен. Андан сырткары, эгер 15 күнгө жеткирбей айыпты төлөй турган болсо, 50 пайыз жеңилдик бар экендигин түшүндүргөн.
Буга чейин жол эрежесин бузганы боюнча биринчи кат 1000дей айдоочуга жиберилери айтылган.
