БИШКЕК, 28-авг. — Sputnik. Мекке шаарындагы кыргызстандык ажылардын алгачкы тобу 28-августтун таңында кайтып келди. Бул тууралуу муфтияттын маалымат кызматы билдирди.
Ага ылайык, Сауд Аравиясынан жалпысынан 18 каттам келет, анын ар биринде 300дөн киши болмокчу.
Белгилей кетсек, быйыл кыргызстандык ажыларды Сауд аравиянын Flynas авиакомпаниясы ташыды.
Зыяратчылардын алгачкы тобу 25-июлда Бишкектен учуп кетсе, акыркы тобу 7-августта Ош — Жидда багыты боюнча жөнөп кеткен.
