Кесип тандоодо бала өзүнүн каалоосун алдыңкы планга чыгарышы керек. Бул тууралуу Гүлшан Абдылдаева Sputnik Кыргызстан радиосунун таңкы эфиринде маек куруп жатып билдирди.
Анын айтымында, абитуриенттер окуу жай жана кесип тандоодо өзүлөрүнө караганда өзгөлөрдү көбүрөөк тындайт.
"Менталитетибизбе "менин балам ЖОЖго тапшырышы керек" деген милдеттендирме жашап келет. Ата-энелер баласын жетелеп барып эле окуу жайга тапшыртып, отургузуп коет. Баланын каалоосу, шыгы менен эсептешип да койбойт. Биздин мектеп окуучулары кесип тандаганды билбейт. Абитуриент бир окуу жайдын факультетине тапшырып жатканда ата-энелеринин же жакындарынын пикирин эске алып, бирок өзү каалаган, өзү жактырган, университетти аяктаганда ошол кесип менен иштей турган бөлүмгө тапшырышы керек", — деди Абдылдаева.
Ал мектеп жашындагы балдарга туура багыт берүү абдан маанилүу экенин кошумчалады.
