Дарыгер Исаков: менингит оорусунда операция жасалбайт
Менингит оорусунда бейтаптарга операция жасалбайт. Бул тууралуу Республикалык жугуштуу оорулар ооруканасынын нейроинфекция бөлүмүнүн башчысы Канатбек Исаков Sputnik Кыргызстан радиосуна оору тууралуу маек куруп жатып билдирди.
"Оорулууга так диагноз коюлгандан кийин дары-дармектер сунушталат. Дарылануу 10 күн аралыгында жүргүзүлөт. Бейтап жатып дарылангандыктан ар дайым көзөмөлдө болууга тийиш. Менингитти айыктырууда операция жасалбайт", — деди Исаков.
Ал ошондой эле дарылануу кымбат экендигин кошумчалады.
Дарыгер менен болгон маекти кененирээк Sputnik Кыргызстан маалымат агенттиги даярдаган материалдан окуңуздар.
