БИШКЕК, 24-янв. — Sputnik. Катуу сууктан улам Кыргызстанда интернет, телефондук байланыш, радио жана телевидениелердин иши үзгүлтүккө учурашы мүмкүн. Бул туурасында Sputnik Кыргызстан агенттигине Байланыш жана маалыматтык технология комитетинен билдиришти.
“Ар бир региондо байланыш үчүн атайын жабдуулар орнотулган. Ызгаар суук жабдууларга таасирин тийгизбей койбойт. Мындан улам иштен чыгып калышы ыктымал”, — деп айтылат маалыматта.
Учурда мобилдик операторлордун бири өз абоненттерине байланышуу мүмкүнчүлүгү чектелип калышы ыктымалдыгын эскертүүдө.
Мындай ызгаар байланыш тармагына эле эмес шаардыктарды суу менен камсыздаган жабдууларга да кедергисин кийгизиши мүмкүн. “Бишкексууканал” ишканасы бишкектиктерди суусу жок калуу кооптуулугу бар экендигин эскертет.
Суукка урунуп албоонун жолдорун Sputnik Кыргызстан агенттигинин материалынын окуңуздар>>
