БИШКЕК, 23-окт. — Sputnik. Борбор калаадагы Көлбаев көчөсүндө үч автоунаа кагышып, жаракат алгандарды Тез жардам ооруканага жеткирди. Бул туурасында окуянын күбөсү кабарлады.
Анын айтымында, кичи автобус жүргүнчүнү түшүрүү максатында жол жээгинде токтогондо артынан келе жатып токтогон Toyota автоунаасын С-классындагы Mercedes келип сүзгөн.
“Toyota катуу соккудан улам сүрүлүп барып арыкка түшкөн. Күү менен келген Mercedes дал ушундай экинчи дагы бир Mercedes унаасынын сол капталы менен дөңгөлөк жагын мыйрыйта сүзгөн. Кырсыктын кесепетинен үч унаа жабыркаган”, — деп билдирди окуянын күбөсү.
Бул жол кырсыгы боюнча маалыматты Бишкектин Кайгуул милициясы тастыктаган да, четкен каккан да жок. Учурда ал жерде милиция кызматкерлери иштеп жатат.
Тез жардам кызматынан кырсыктан жабыркаган эки адамдын ооруканага жеткирилгендигин айтышты. Алардын ким экендиги жана кандай абалда экендиги белгисиз.
Оңдолгон көчө автоунаалардын каттамы үчүн бир ай мурда ачылган.
