Мектеп, бала бакча, ооруканаларга жана көп кабаттуу үйлөргө жылуулук жакынкы аралыкта берилип калат, ал эми турак үй ээлери эртерээк көмүр алышы керек. Мындан улам Sputnik Кыргызстан маалымат агенттиги калаа тургундарына жеңилдик кылып Бишкектин кайсы жерлеринде, канча сомдон көмүр сатыларын билип көрдү.
"Кыргызкөмүр" мамлекеттик ишканасы билдиргендей, учурда көмүрдүн бир тоннасынын орточо баасы 3500 сомдон, ал эми бир кап көмүр 250 сомдон сатылып жатат. Суук түшсө бул баа дагы көтөрүлүшү мүмкүн деген ишкана шаар тургундарына кара алтынды эртерээк белендеп алууну эскертти.
