БИШКЕК, 14-июл. — Sputnik. Муфтият Чоң-Алай жана Өзгөндөгү жаратылыш кырсыгынан жабыркаган сегиз үй-бүлөгө үй куруу үчүн 2 миллион 800 миң сом акчалай жардам көрсөттү. Бул тууралуу муфтият билдирди.
Ага ылайык, 13-июлда өкмөттүн Ош облусундагы ыйгарым укуктуу өкүлчүлүгүндө акча тапшыруу аземи болуп өттү.
Иш-чаранын жүрүшүндө Ош облусунун губернаторунун орун басары Ахмаджан Махамаджанов сөз сүйлөп, курулуш материалдарын сатып алууда жана жеткирүүдө атайын арзандатылган баада кызмат көрсөтүүчү жеке тараптар менен да макулдашуулар жургүзүлүп, бардык тиешелүү жардамдар берилээрин кошумчалаган.
Белгилей кетсек, аталган каражат битир-садакадан чогулган акчадан бөлүнгөн.
