БИШКЕК, 14-июл. — Sputnik. Ишембиде көпчүлүк аймактарда жаан жаап, күн күркүрөйт. Бул тууралуу Кыргызгидромет билдирди.
Ага ылайык, бийик тоолордо кар жаашы, айрым жерлерде жаан-чачындын катуу жаашы күтүлөт. Кээ бир райондордо батыштан соккон шамалдын ылдамдыгы секундасына 18-23 метрге жетет.
Мындай туруксуз аба ырайы автоунаа, энергетика жана коммуналдык кызматтардын ишин кыйындатат.
Чүй жана Талас өрөөнүндө 21…26 градус, Ош, Жалал-Абад жана Баткен облустарынын дыйканчылык аймактарында 28…33 градус, Ысык-Көл менен Нарын облусунда 20…25 градус ысык болот.
Ал эми Ош менен Бишкек шаарларында 33 градуска ысыйт.
