Дүйшеев: эс учун жоготкон адамдын көкүрөгүн тез-тез басууга болбойт
Эсин жоготкон адамдын көкүрөгүн мүнөтүнө 100-120 ирет басуу керек. Бул тууралуу Кызыл ай коомунун адиси Замир Дүйшеев Sputnik Кыргызстан радиосуна маек куруп жатып билдирди.
Анын айтымында, эс учун жоготкон адамдын көкүрөгүнүн сол тарабын эмес, ортосун басуу керек.
"Негизи жүрөк көкүрөктүн ортосунда жайгашкан. Уч жагы сол жакты карап турат. Ошондуктан дем албай калганда колду кайчылаштырып туруп, көкүрөктү басуу керек. Басканда да абайлап мүнөтүнө 100-120 жолу басуу керек", — деди Дүйшеев.
Адис көкүрөктү секундасына эки жолу гана басуу керектигин, андан ашырса болбой тургандыгын кошумчалады.
