БИШКЕК, 29-май — Sputnik. Президент Алмазбек Атамбаев Кыргызстандын куралдуу күчтөрүнүн 25 жылдыгына карата өткөрүлгөн иш-чарада уулун армияга эмне себептен жибергенин баяндап берди.
Анын айтымында, аскерий реформанын алкагында армиянын бедели көтөрүлдү. Ошондой эле армияда кызмат өтөөнү каалагандардын саны көбөйүп, аскерлердин 30 пайызга жакыны жогорку билимдүү экенин айтып өттү.
"Армиянын абалын билүү үчүн өзүмдүн баламды аскерге жибердим. Ал аркылуу андагы кырдаалды толук биле алдым", — деди Атамбаев.
Ал ошондой эле Кыргызстандын армиясына карата эл аралык өнөктөштөр тарабынан жакшы пикирлер айтылып жатканын белгилеп өттү.
