Ноокенде 25 окуучу ууланып ооруканага түштү

© Sputnik / Максим Федоров / Медиабанкка өтүүПаводковая ситуация в районе Кызыла из-за разлива Енисея
Паводковая ситуация в районе Кызыла из-за разлива Енисея - Sputnik Кыргызстан
Жазылуу
Иликтөө бүтмөйүнчө цистернадагы суудан пайдаланууга тыюу салынды.

БИШКЕК, 13-май — Sputnik. Жалал-Абад облусуна караштуу Ноокен районунун Тоскоол айылында 25 окуучу ууланып ооруканага түшкөнүн Саламаттык сактоо министрлиги билдирди.

Окуя 12-май күнү болгон. Эпидемиологиялык иликтөөнүн алдын ала маалыматы боюнча Тоскоол айылынын эли Тоскоол-Ата суусун пайдаланат. Ал эми окуучулар үчүн Масы айылынан алынган артезиан суусу 5 тонналык цистернага куюлуп, кайнатылгандан кийин гана берилет.

"Ата-энелердин айтымында, акыркы күндөрү балдар эч кандай өзгөчө тамак деле жеп-ичкен эмес. Мектепке баратканда балмуздак, жүгөрү жешкенин окуучулардын өздөрү айтышты", — деп айтылат маалыматта.

Учурда саламаттык сактоо министринин орун басары Олег Горин башында турган комиссия түзүлүп, иликтөө бүтмөйүнчө цистернадагы суудан пайдаланууга тыюу салынды. Мындан тышкары, текшерүү үчүн суунун үлгүлөрү алынган.

Ушу тапта иликтөө иштери жүрүп жатат.

Жаңылыктар түрмөгү
0