БИШКЕК, 15-апр. — Sputnik. Эртең, 16-апрель күнү, Кыргызстандын аймагында жаан жаай турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9, күндүз 14 метрге чейин жетет.
Бишкекте 22 градус жылуу болсо, Ош шаарында күндүн табы 26 градуска чейин көтөрүлөт. Чүй облусунда күн 23 градуска чейин жылыса, Таласта 21 градус жылуу болот. Ош, Жалал-Абад жана Баткен облустарында абанын температурасы 27 градуска чейин жогорулай турганы божомолдонууда. Ысык-Көлдө 18, ал эми Нарында 19 градус жылуу болот.
