БИШКЕК, 15-апр. — Sputnik. Жогорку Кеңештеги "Республика — Ата-Журт" фракциясынын лидери Өмүрбек Бабанов Islander One деген аргымагын Ысык-Көлдөгү жылкы заводуна тапшырды. Бул тууралуу фракциянын катчылыгынан маалымдашты.
Ушу тапта Чолпон-Ата шаарында "Этно маданиятты өнүктүрүү, ат индустриясы жана асыл тукум мал өстүрүү борбору" мамлекеттик ишканасынын 90 жылдыгына карата спорттук иш чара өтүүдө.
Анын алкагында Бабанов иш-чаранын катышуучуларына кайрылып, жылкы заводун мааракеси менен куттуктап, ат кыргыздардын тарыхында өзгөчө орунду ээлегенин айтты.
Эл өкүлү асыл тукумдуу жылкынын баасы 500 миң доллардын 1,5 миллион долларга чейин турарын айтса, Бабановдун маалымат кызматы жылкыны өкмөт башчы 20 миң долларга эле сатып алганын билдирген болчу.
Айыптоолордун аягында Жогорку Кеңештеги көпчүлүк коалициядан "Ата Мекен" менен "Ар-Намыс" фракциялары чыгып, Бабанов башында турган өкмөт автоматтык түрдө отставкага кеткен.
