БИШКЕК, 8-янв. — Sputnik. Франциянын Айыл чарба министрлиги куш тумоосунун жайылып кетүү коркунучуна байланыштуу өлкөнүн түштүк батыш тарабында өрдөк, каздарды массалык түрдө жок кыла баштаганы туурасында РИА Новости жазып чыкты.
Маалыматка ылайык, 20-январга чейин өлкөнүн Жер, Ланды жана Жогорку Пиренеи аймактарында профилактикалык иштер жүргүзүлүп, эркиндикте жүргөн өрдөктөр жок кылынат.
Министрликтин маалыматында, декабрь айынан бери мамлекеттин 89 чарбачылык аймагында H5N8 куш тумоосунун күчөө ыктымалдыгы жогору экендиги аныкталган.
Ошондой эле өндүрүшчүлөр 20-январга чейин жалпы 18 миллион канаттуунун 1,3 миллиону жок кылынарын билдиришүүдө.
