КЫРЧЫН, 4-сен. — Sputnik. Кырчын жайлоосунда кыргыз-казак акындарынын айтышы башталды.
Айтыш II Дүйнөлүк көчмөндөр оюндарынын алкагында Кырчын жайлоосундагы "Кыргыз айылы" этно шаарчасында өтүүдө. Кыргыз-казак акындарынын айтышынын финалы эртең, 5-сентябрда болот.
Эске сала кетсек, буга чейин акындардын тандоо туру болуп, андан 12 кыргыз акыны тандалып алынган.
Тандоо турунан өткөн 12 кыргыз акыны: Болот Назаров, Кадырбек Бейшенов, Асылбек Маратов, Чыңгыз Кожошев, Изат Айдаркулова, Аалы Туткучев, Азамат Болгонбаев, Амантай Кутманалиев, Жеңишбек Жумакадыр, Максат Кулуев, Шекербек Адылов жана Идирис Айтбаев.
