БИШКЕК, 26-авг. — Sputnik. Кыргызстандык тайбоксчу Антонина Шевченко Lion Fight 31 турниринин алкагында чемпиондук титулун коргойт. Бул тууралуу КРдин Тайбокс федерациясынын президенти, спортчунун апасы Елена Шевченко билдирди.
Июль айында Шевченконун атаандашы Аннабель Геллиден допинг табылып, кыргызстандык спортчу беттеши жок эле чемпион аталган.
Бул ирет Антонина Шевченко италиялык мушкер Паоло Капуччи менен беттешет. Италиялык спортчу кикбоксингдин WAKO боюнча дүйнө чемпиону.
