БИШКЕК, 5-авг. — Sputnik. "Асман алдында" жана "Көч" тасмалары эл аралык сынактарга катыша тургандыгын Киноматография департаменти билдирди.
Маалыматка ылайык, режиссер Дальмира Тилепбергенованын "Асман алдында" тасмасы 7-8-август күндөрү Филиппинде өтө турган эл аралык "Синемалайя" кинофестивалына жана ноябрь айында Италияда өтүүчү "Asiatica, Encounters with Asian Cinema" кинофестивалына катышат.
Ал эми Марат Сарулунун "Көч" тасмасы 24-28-августта Австрияда өтө турган "Der NeueHeimatfilm" эл аралык кинофестивалында көрсөтүлөт.
Эки тасма тең Төлөмүш Океев атындагы "Кыргызфильм" киностудиясынан чыккан.
