БИШКЕК, 27-июл. — Sputnik. Кыргызстандагы коомдук фондуларды жоюунун жол-жобосун жөнөкөйлөтө турган мыйзамга өлкө башчысы кол койгонун президенттин маалымат кызматы билдирди.
Коомдук фондуларды сот аркылуу жоюуну жокко чыгарууну алып салуу үчүн мыйзам менен КРдин Жарандык кодексине өзгөртүү киргизилди.
Ошол эле учурда башка түрдөгү коммерциялык уюмдарга мындай талаптар коюлбайт. Мисалы, коомдук бирикмелерди жоюу ыктыярдуу тартипте юстиция органдары тарабынан жүргүзүлөт.
Кабыл алынган мыйзам боюнча коомдук фондулар ыктыярдуу тартипте да, ошондой эле мажбурлоо аркылуу, башкача айтканда, Кыргызстандын Жарандык кодексинин 98-беренесинде белгиленген тартипте – сот аркылуу да жоюлушу мүмкүн.
Мыйзам расмий жарыяланган күндөн тартып 10 күн өткөндөн кийин күчүнө кирет.
