БИШКЕК, 27-июл. — Sputnik. Кытайлык аял суу ташкындан биринчи энесин сактап калган жолдошуна таарынып ажырашып кеткендиги тууралуу The Standard басылмасы жазып чыкты.
Басылмадагы маалыматка караганда окуя Кытайдын Синтай округуна караштуу Хэбей провинциясында болгон. Аймакты суу ташкын каптаган учурда Гао Фенгшоу аттуу жаран биринчи эле үйүнө жакын жерде жашаган энесин куткарууга чуркап жөнөгөн. Жолдошунун мындай аракетине таарынган аялы эки баласын алып кеткени аз келгенсип, чогуу чогулткан ири суммадагы акчасын дагы өзү менен кошо ала кеткен.
Социалдык тармактардын колдонуучулары кытайлык жарандын аракетин мырзалык кадам катары баалап, "башка аял тапса болот, эненин табуу мүмкүн эмес" деген сыяктуу пикирлерди жазышкан.
Жакынкы эле аралыкта болгон суу ташкында 164 адам каза таап, 150 адам дайынсыз жоголгон.
