БИШКЕК, 22-июл. — Sputnik. Борбор калаанын дал борборунда жайгашкан Тарых музейинде чыккан өрттү токтотуу максатында учурда өрт өчүрүүчү үч автоунаа иштеп жатат. Бул туурасында ӨКМдин маалымат кызматы кабарлады.
Өрт чыккан Тарых музейиндеги кадрларды Sputnik Кыргызстан видеосунан көрүңүздөр>>
“Бүгүн түнкү саат 22:12де Тарых музейинин күйүп жатканы туурасында кабар түшкөн. Алгач, эки автоунаа чыгып кетти, азыр үчүнчүсү жөнөп жатат. Алдын ала маалыматтарга караганда, Тарых музейдин кампасы өрттөнүп жатат”,- деп билдиришти ӨКМдин маалымат кызматынан.
Окуя болгон жерде жүргөн Sputnik Кыргызстан агенттигинин кабарчысы музейдин ичинен коюу кара түтүн чыгып жатканын, ал эми имараттын айланасын милиция курчап тургандыгын кабарлады.
Бишкекте Тарых музейи өрттөнүп жатат
Бишкекте Тарых музейи өрттөнүп жатат
Бишкекте Тарых музейи өрттөнүп жатат
Бишкекте Тарых музейи өрттөнүп жатат
Мындан бир нече күн мурда аталган музейинин чатырындагы 20 чарчы метр айнеккебез ширетүү иштеринде өрт коопсуздугу эрежелеринин бузулушунан улам күйгөн болучу.
Алдын ала маалыматтарга караганда, жабырлангандар жок.
