БИШКЕК, 14-июл. — Sputnik. Бишкек шаарындагы "Ала-Тоо" аянтындагы тарых музейинин чатырындагы 20 чарчы метр айнеккебез ширетүү иштеринде өрт коопсуздугу эрежелеринин бузулушунан улам күйгөн. Бул тууралуу ӨКМ билдирди.
Андан сырткары Ысык-Ата районундагы айланма жолдун 29-чакырымында эки чиркегичи менен трактор күйгөн. Анын үстүндөгү 340 түк чөптү да жалын жалмаган. Өрттүн себеби, такталууда.
Маалыматка ылайык, бир сутка ичинде Кыргызстан боюнча 25 өрт кырсыгы катталып, аларды өчүрүүгө 28 өрт өчүрүү бөлүмдөрү тартылган.
