БИШКЕК, 2-июн. — Sputnik. Кыргызстандын жарандыгы өзүнө тартуу жагынан рейтингде 119-орунга татыды. Мындай жыйынтык Henley & Partners эл аралык консалтинг компаниясынин изилдөөлөрүндө айтылат.
Рейтингди түзүүдө жарандык алгандан кийин берилүүчү артыкчылыктар, экономикасынын масштабы, адамдын өнүгүү потенциалы, коомдук тартип жана туруктуулук, визасыз режим, чет жакта иштей алуу мүмкүнчүлүгү эске алынган.
Рейтингдин түзүүчүлөрү 2011-2015 жылдар аралыгындагы 182 мамлекеттин жарандыгын түрдүү көрсөткүчтөр боюнча салыштырып караган. Алар 0дөн 100 пайызга чейин деп бааланган.
Биринчи орунда 83,1 пайыз менен Германия турат. Андан кийинки сапты Дания, Финляндия, Норвегия жана Швеция ээлеген.
Тизменин аягында Афганистан (14,4 пайыз) менен Конго (14,3 пайыз) мамлекеттери турат.
