Freedom House Кыргызстандын ЖМКсын "көз каранды" деп баалады

© Sputnik / Табылды КадырбековКыргызстандагы фотожурналист. Архив
Кыргызстандагы фотожурналист. Архив - Sputnik Кыргызстан
Жазылуу
Эл аралык уюм жалпы жонунан 199 мамлекеттин маалымат каражаттарына байкоо салган. Натыйжада болгону 62 өлкөдө ЖМК "эркин" деп бааланган.

БИШКЕК, 27-апр. — Sputnik. Эл аралык укук коргоочу Freedom House уюму былтыркы жылдын отчетун жарыялап, анда Кыргызстандагы ЖМКны "көз каранды" деп баалады. 

Эксперттер 0дөн 100гө чейинки шкала менен 199 мамлекеттин ЖМКсын байкоого алып, аларды "эркин", "жарым-жартылай эркин" жана "көз каранды" категориялары боюнча аныктаган.

Ысык-Көлдө эс алгандар. Архив - Sputnik Кыргызстан
БУУ: Кыргызстан туристтер көп келе турган мамлекеттердин көч башында
Кыргызстан 67 упай топтоп 149-орунду ээледи. Былтыркы отчетто Кыргызстан "жарым-жартылай эркин" категориясына кирген. 

Аталган рейтингге ылайык, Россия менен Тажикстан 176-орунду тең бөлсө, Казакстан 184-сапты ээлеген. Өзбекстан менен Түркмөнстан тизменин эң артында калган.

Докладдагы маалымат боюнча жалпы жонунан 62 мамлекеттин (31 пайыз) маалымат каражаттары "эркин" болсо, 71 өлкөнүн ЖМКсы (36 пайыз) "жарым-жартылай эркин" деп табылган. Ал эми калган 66 мамлекеттеги жалпыга маалымдоо каражаттары (33 пайыз) "көз каранды" категориясына киргизилген.

Буга чейин сөз эркиндиги боюнча "Чек арасыз кабарчылар" эл аралык уюму тарабынан түзүлгөн рейтингде Кыргызстан Борбор Азия чөлкөмүндөгү сөз эркиндиги боюнча биринчи орунда турат.

Жаңылыктар түрмөгү
0