БИШКЕК, 19-май — Sputnik. Бейшембиге караган түнү Бишкек шаарындагы Чүй жана Курманжан датка көчөлөрүнүн кесилишинде жол кырсыгы болгонун күбө WhatsApp номери аркылуу билдирди.
Ал жол кырсыгынын сүрөтүн салган.
![Бейшембиге караган түнү Бишкек шаарындагы Чүй жана Курманжан датка көчөлөрүнүн кесилишинде жол кырсыгы болду Бейшембиге караган түнү Бишкек шаарындагы Чүй жана Курманжан датка көчөлөрүнүн кесилишинде жол кырсыгы болду - Sputnik Кыргызстан](https://sputnik.kg/img/102543/23/1025432386_0:126:1279:931_600x0_80_0_0_71099d694a4ad04aa0837ffbdec00321.jpg)
![Жол кырсыгы болгон жерден 500 метрдей нары жакта дагы бир машина жол кырсыгына кабылган. Жол кырсыгы болгон жерден 500 метрдей нары жакта дагы бир машина жол кырсыгына кабылган. - Sputnik Кыргызстан](https://sputnik.kg/img/102543/23/1025432370_0:147:1280:952_600x0_80_0_0_957630331e44417f382eba9728a92e2e.jpg)
![Тез жардам кызматы Чүй жана Курманжан датка көчөлөрүнүн кесилишинде жол кырсыгы болгонун тастыктады. Тез жардам кызматы Чүй жана Курманжан датка көчөлөрүнүн кесилишинде жол кырсыгы болгонун тастыктады. - Sputnik Кыргызстан](https://sputnik.kg/img/102543/23/1025432381_0:155:1279:960_600x0_80_0_0_581f3f63841c4d635a23b50a1fa080a1.jpg)
"Менин байкашымча Toyota Avensis үлгүсүндөгү автоунаанын айдоочусу Кайгуул милициясынан качып, рулду башкара албай май куюучу жайдын жанындагы түркүктү сүзүп, ала салып кетти. Анын ичинде алты киши бар экен", — дейт күбө.
Жол кырсыгы болгон жерден 500 метрдей нары жакта дагы бир машина жол кырсыгына кабылган, ал анын ичинде эч ким болбогонун кошумчалады.
Тез жардам кызматы Чүй жана Курманжан датка көчөлөрүнүн кесилишинде жол кырсыгы болгонун тастыктап, жүргүнчүлөрүнүн баары мас абалда болгонун белгиледи.
"Жол кырсыгына кабылган бир адам ооруканада каза болду. Калгандары түрдүү жаракаттарды алып, Бишкек шаарындагы травматология жана ортопедия илим изилдөө борборуна жеткирилди. Унаанын ичиндегилердин баары мас абалында болгон", — деп Тез жардамдан билдиришти.
Бишкек ШИИБдин Кайгуул милициясынын башкармалыгы күбөнүн унаа милиция кызматкерлеринен качып кырсыкка учурады деп айтканын төгүнгө чыгарды. Тартип сакчылары окуя болгон жерге кырсык тууралуу билдирүү түшкөндөн кийин келген.