Sputnik Кыргызстан "Жеңиш вальсын" көрсөтөт

БИШКЕК, 5-май — Sputnik. Жеңиш күнүнө карата Sputnik Кыргызстан маалымат агенттиги жана радиосу Улуу Ата Мекендик согуштун каармандары тууралуу тематикалык материалдардын түрмөгүн баштады.

Интервью жана сүрөт түрмөгү форматындагы долбоор ардагерлердин окуяларын жана согуш жылдарын эскерүүлөрүн тартуулайт. Анын алкагында Sputnik Кыргызстан жүздөгөн жаш тургундардын башын бириктирген "Жеңиш вальсы" деп аталган акция тууралуу айтып бермекчи. Агенттиктиктин сүрөт жана видео түрмөгү согуш жылдарындагы ыр-күүлөрдү жана жүздөгөн жуптун "Жеңиш вальсын" сунуштайт.

Аталган акция эртең, 6-май күнү саат 10.00дө "Жеңиш" аянтында башталат.

9-май күнү Sputnik Кыргызстан өз порталында саат 11-00дө баштала турган "Өлбөс полктун" жүрүшүн видео жана сүрөт форматында көрсөтөт.

"Бул иш-чарага өзгөчө жаштардын дилгир экени кубандырат. 9-майды эскерүү биздин азыркы тынч заманыбызды курап кеткен баатырларыбызга таазим болуп саналат", — дейт Sputnik Кыргызстан агенттигинин жетекчиси Елена Череменина.

"Өлбөс полк" — 9-майга карата жыл сайын өткөрүлүүчү ири эл аралык акция. Ал Улуу Ата Мекендик согуштун ардагерлерине жана катышуучулардын элесине арналып, жүрүштө согушта курман болгондордун жакындары алардын сүрөттөрүн кармап өтөт. 

Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.