БИШКЕК, 1-мар. — Sputnik. Бишкек шаарынын Октябрь райондук соту Канжар Кадыралиевдин ишин кароону 17-мартка жылдырды. Анын сот иши бүгүн каралмак. Бул тууралуу райондук соттон билдиришти.
Канжар Кадыралиев опузалап акча талап кылуу жана ур-токмокко алуу аракеттери боюнча айыпталууда.
29 Бирдин айы 2016, 15:09
Өзгөндүк ишкер Сактан Келдибаевдин үй-бүлөсү алардын үйүнө 2014-жылы 31-августта белгисиз бирөөлөр келип, үй ээсин сабап, коркутуп, ири суммадагы акчасын алып кеткенин билдиришкен. Алар бул кол салууну ошол убакта прокутарурада иштеген Канжар Кадыралиев уюштурган деп маалымдашкан.
Кадыралиев сот иштерине келбегендиктен издөө жарыяланган. Бирок, 2015-жылы 26-мартта прокуратурага өзү келген. Сот аны камакка алууну чечкен, бирок ал ооруканага жатып калган.
Ал арада Келдибаевдердин үй-бүлөсү дооматтарынан баш тартып, тосмо арыз жазып берген. Октябрь райондук соту Кадыралиевди эч жакка чыкпоо боюнча тил каттын негизинде бошоткон болчу.
Учурунда президент Алмазбек Атамбаев аталган чырдуу жагдайды башкы прокурорго иликтөө боюнча тапшырма берген.
