Жогорку сот Кадыралиевди камакка алуу чечимин чыгарды

Жазылуу
Жогорку сот Бишкек шаардык сотунун Канжар Кадыралиевди үй камагына чыгаруу боюнча токтомун жокко чыгарып, аны 26-майга чейин камакта калтырды.

БИШКЕК, 22-апр. — Sputnik. Жогорку сот Канжар Кадыралиевдин ишин карап, аны 26-майга чейин №1 убактылуу кармоо жайында камакта калтыруу чечимин кабыл алды. Бул тууралуу Жогорку соттун маалымат катчысы Айнура Токтошова билдирет.

27-мартта, Бишкек шаарынын Октябрь райондук соту Кадыралиевге карата бөгөт коюу чарасын карап, 26-апрелге чейин камакка алуу чечимин кабыл алган. Бирок 10-апрелде Бишкек шаардык сотунун сот коллегиясы биринчи инстанциянын токтомун жокко чыгарып, Кадыралиевдин камакта кармоо чарасын үй камагына алмаштырган.

Жогорку соттун чечими акыркы жана даттанууга жатпайт. Кадыралиев 26-майга чейин №1 убактылуу кармоо жайында камакта болот.

Ош шаардык прокуратурасынын мурдагы кызматкери, ЖК депутаты Ыргал Кадыралиеванын агасы Канжар Кадыралиев опузалап акча талап кылуу жана ур-токмокко алуу аракеттери боюнча айыпталган. Бирок ал сотко келбегендиктен, издөө жарыяланган. 2014-жылы Өзгөн районундагы Келдибековдордун үй-бүлөсү укук коргоо органдарына кайрылып, Кадыралиев жана анын жан-жөкөрлөрү ишкер Сактан Келдибековду 31-августта келип коркутуп акча талап кылып, үй-мүлкүн өзүнө каттат деп коркутушканын айтышкан.

Жаңылыктар түрмөгү
0