Билим берүү министрлиги: кыргыз-түрк лицейин карантинге жабуу боюнча арыз келе элек

© Sputnik / Дмитрий Ануфриев / Медиабанкка өтүүЭшикке чапталган "Карантин" жазуусу. Архив
Эшикке чапталган Карантин жазуусу. Архив - Sputnik Кыргызстан
Жазылуу
Буга чейин "Себат" билим берүү мекемесинин борбор калаадагы кыргыз-түрк эркек лицейинин 11 окуучусунан сарык вирусу табылган.

БИШКЕК, 10-фев. — Sputnik. Учурда Бишкектеги Чыңгыз Айтматов атындагы кыргыз-түрк эркек лицейин чыккан сарык вирусунан улам карантин жарыялап жабууга негиз жок экенин Билим берүү министрлигинин мектепке чейинки, мектептеги жана мектептен тышкаркы билим берүү башкармалыгынын жетектөөчү адиси Кылым Сыдыкназарова Sputnik Кыргызстан маалымат агенттигине билдирди.

Медициналык маска кийген кыз. Архив - Sputnik Кыргызстан
Быйыл сасык тумоого кабылгандардын саны 10 миңге көп болду
Белгилей кетсек, 25-январда аталган лицейдин эки окуучусу санитардык бөлүмгө кайрылган. Алардан сарык вирусу (гепатит А) аныкталган. Бишкек шаардык санитардык-эпидемиологиялык борбору 25-январдан 5-февралга чейин аталган лицейден 11 окуучудан сарык вирусу аныкталганын билдирген.

Сыдыкназарова учурда лицейде санитардык эпидемиологиялык борбордун адистери түшүндүрүү жана атайын тазалоо иштери жүрүп жатканын билдирди.

"Окуу жайды карантинге жабуу боюнча сөз боло элек. Ал жакта 600 окуучу окуйт экен. учурда санэпидкөзөмөл борбору тийиштүү аракеттерди көрүп жатат. Лицейде беш күн гана окушкандыктан ишемби, жекшемби күндөрү дезинфекциялык иштер өткөрүлүп турат. Карантинге жабуу боюнча чечимди санэпидкөзөмөл чыгарат. Азырынча бизге андай билдирүү келе элек", — деди ал.

Сыдыкназарова бул лицей менчик болгонуна карабастан Билим берүү министрлигинин көзөмөлүндө экенин жана түрдүү жугуштуу оорулар боюнча класстык сааттар өткөрүлүп турарын кошумчалады.

Ал ошондой эле, өлкө аймагындагы мектептердин дагы жугуштуу оорулардан улам карантинге жабылганы боюнча маалыматтар жок экенин баса белгиледи.

Жаңылыктар түрмөгү
0