БИШКЕК, 10-фев. — Sputnik. Быйыл Кыргызстанда өткөн жылга салыштырмалуу 10 миңге киши көп сасык тумоо менен жабыркаганын Саламаттык сактоо министрлиги билдирди.
Маалыматка ылайык, эсеп эки жылдын январь айларындагы көрсөткүчтөрдү салыштыруу менен жүргүзүлгөн. Быйыл 27 миң 665 бейтап дарыгерге кайрылса, былтыр бул көрсөткүч 17 миң 597 адамды түзгөн.
Министрлик быйылкы көрсөткүч күтүлгөн деңгээлдин чегинде болгонун белгилейт. Сасык тумоонун жаңы түрлөрүнүн пайда болуусун алдын алуу үчүн аракеттер көрүлүп, медицина кызматкерлери үчүн атайы 343 каражат сатып алынган.
Мындан тышкары, сасык тумоону жана вирустарды эрте мөөнөттө аныктоону үйрөтүү максатында жалпы жонунан 120 дарыгер окуудан өттү.
