БИШКЕК, 29-янв — Sputnik. Сейил бакта чемичке чагып, аны тазалоону мамлекет төлөйт деген кыз жоопкерчиликке тартылды деп билдирди Бишкек шаарынын мэриясынан.
Бүгүн, 29-январда Октябрь райондук администрациясынын бул маселени талкуулаган жыйынында ал кыз айып пул төлөөгө милдеттендирилди. Чемичке чагып, кабыгын жерге таштагандыгы үчүн 2 миң сом айып төлөй турган болду.
Ал өзүн өзү өлтүрүүгө аракет кылбагандыгын, бул маалыматты интернеттен окуган ата-энеси жаман абалда калгандыгын айтып берди.
"Өзүмдү өлтүрөйүн деген эмесмин. Мунун баары калп. Мага өчөшүп жүргөндөр бар",— деп айтып берди "чемичке видеосунун" каарманы.
Видео коомчулукта популярдуу болуп кеткен. Соцтармактардын көптөгөн пайдалануучулары ролик каарманынын осол жоругун кескин сынга алып, ата-эне тарбиясы тууралуу кеп козгошкон.
