БИШКЕК, 25-янв. — Sputnik. Бангладештин Дакка шаарында өткөн Эл аралык фестивалда Кыргызстандын "Топурак" тасмасы лауреат болгонун Кинематографты өнүктүрүү фонду билдирди.
19 Үчтүн айы 2016, 12:06
Үстүбүздөгү жылдын 14-22-январь күндөрү болгон фестиваль "Мыкты тасма, мыкты аудитория, мыкты коомчулук" урааны алдында өтүп, анда калыстардын беш тобу иштеди.
Кыргызстандан аталган сынакка Мирлан Абдыкалыковдун "Сүтак", Далмира Тилепбергенованын "Асман алдында", Чолпонай Бөрүбаеванын "Топурак" жана Кымбат Адылбекованын "Таксист" тасмалары катышкан.
Фестивалдын жыйынтыгы менен негизги сынакта Ирандан келген тасма жеңишке жетишсе, Кыргызстандын "Топурак" тасмасы калыстардын Ардак грамотасы менен сыйланды.
