БИШКЕК, 11-янв. — Sputnik. Режиссер Садык Шер-Нияздын "Курманжан датка" киноэпопеясы Болгарияда өтө турган MENAR Эл аралык фестивалына тандалып алынганын "Айтыш-фильм" студиясынын маалымат катчысы Чолпон Идрисова билдирди.
Анын айтымында, иш-чара үстүбүздөгү жылдын 14-31-январь күндөрү өлкөнүн борбор калаасы София шаарында өтөт.
MENAR кинофестивалы Балкан жарым аралындагы ири маданий иш-чара болуп саналып, көрөрмандарды ислам дүйнөсүнүн маданияты жана каада-салты менен тааныштыруу максатын көздөйт.
Быйыл фестивалга 465 тасмадан арыз түшүп, анын ичинен 16 толук метраждуу фильм тандалып алынган.
