БИШКЕК, 9-янв. — Sputnik. Татарстанда беш ьаласы менен кошо эне өрттөн каза тапты. Кырсык боюнча иш козгогон тергөөчүлөр өрт электр зымынын чыңалуусунан же отту олдоксон колдонуудан пайда болгон деп болжолдошууда. Бул тууралуу Татарстан боюнча Россиянын тергөө башкармалыгынын басма сөз кызматы билдиргенин РИА Новости жазып чыкты.
Буга чейин Татарстандын Лениногорск районуна караштуу Старый Кувак кыштагында чыккан өрт кырсыгын полиция иликтөөгө алганы маалымдалган. Мындан сырткары маркум аялдын 47 жаштагы жолдошу ооруканага жеткирилгени белгилүү болгон.
Кырсык боюнча РФнын кылмыш кодексинин 3-бөлүмүнүн 109-беренесинин (кылдатсыздыктын негизинде эки жана андан көп адамдын өлүмүнө себепкер) негизинде кылмыш иши козголду.
Маалыматка ылайык, үй-бүлөдө алты бала тарбияланып келген. Алардын бирөөсү кырсык болгон күнү чоң энесинин үйүндө конокто болгон.
Басма сөз кызматы кошумчалагандай, учурда күбөлөр суракка алынууда.
