БИШКЕК, 8-дек. — Sputnik. ДАИШ Ак үйдү жардырып, Нью-Йоркто теракт уюштурууга эми кытай тилинде ырдап үндөй баштаганын The Wall Street Journal басылмасынын блогунда маалымдалган.
Мусулмандарды колуна курал алууга чакырган ыр ДАИШ мүчөсү болгон экстремисттин Кытайда кармалышынан кийин жарыяланган. Басылма "кытай мусулмандарына" арналган "чыгарманы" террорчулар ишенимдүү жана гипноздоо ыкмасында аткарганын белгилейт.
Экстремисттик интернет-ресурстардын мазмунун иликтеген SITE Intelligence Group компаниясы төрт мүнөттүк ыр ДАИШтин негизги үгүт куралы болгон Аль-Хаят медиа-борбору тарабынан чыгарылганын айтууда. Ыр ошол эле жерден "Твиттер" жана Telegram аркылуу жайылып кеткен.
