Ирак менен Сириянын өзү басып алган жерлеринде халифат жарыялаган "Ислам мамлекети" террористтик топтун идеялары Борбордук Азия өлкөлөрүнө да жетти. КРдин укук коргоо органдарынын акыркы маалыматтарына ылайык, чыр-чатак жүрүп жаткан аймакта республиканын 330 жараны бар.
ИМ күч алууда жана өзүнүн алтын, күмүш жана жез тыйындарын чыгара турганын өткөн жылдын ноябрь айында билдирген. Согушчандардын CNN телеканалы келтирген билдирүүсүндө мындай кадамга алар АКШнын "зулумчул каржы системасынан" баш тартуу үчүн барып жатканы айтылат. ИМдин валюталык тобу ар түрдүү баадагы жети тыйындан туруп, алардын экөө алтын, үчөө күмүш, дагы экөө жез болот деп болжолдонууда.
"Ислам мамлекети" тобу деген эмне экени туурасында Sputnik инфографикасынан караңыз.
