Монреалда "Асман алдында" тасмасынын дүйнөлүк премьерасы болду

© flickr.com / abdallahhМонреаль шаары, Канада. Архив
Монреаль шаары, Канада. Архив - Sputnik Кыргызстан
Жазылуу
39-ирет өтүп жаткан Эл аралык кинофестивалдын дебютанттар сынагына катышып жаткан тасма үстүбүздөгү жылдын 29-августунда көрсөтүлдү.

БИШКЕК, 3-сен. — Sputnik. Канаданын Монреаль шаарында режиссер Дальмира Тилепбергенованын "Асман алдында" аттуу тасмасынын дүйнөлүк премьерасы болуп өткөнүн Кинематография департаменти билдирет.

39-ирет өтүп жаткан Эл аралык кинофестивалдын дебютанттар сынагына катышып жаткан тасма үстүбүздөгү жылдын 29-августунда көрсөтүлдү.

"Тасма канадалыктар да, ошол жакта жашаган биздин мекендештер тарабынан да абдан жакшы кабыл алынды. Фестивалдын менеджерлери бул чоң ийгилик экенин белгилешти", — деп айтылат билдирүүдө.

Маалыматка ылайык, "Асман алдында" 4-сентябрда чоң залда дагы бир ирет тартууланат. 

Монреалдагы кинофестивалда кыргызстандык режиссердун эки тасмасы көрсөтүлөт
Жалпы бюджети 6,5 миллион сомду түзгөн тасма Төлөмүш Океев атындагы "Кыргызфильм" улуттук киностудиясынын базасында кинематография департаментинин колдоосу менен бир жыл аралыгында тартылган. 

Монреалдагы Эл аралык кинофестиваль 7-сентябрга чейин уланат.

Эскерте кетсек, аталган тасма Якутск шаарында өтүп жаткан кинофестивалга да катышып, 2-сентябрда премьерасы өттү. Бул иш-чарага тасманын башкы каарманы Керимдин ролун аткарган Анвар Осмоналиев өкүл катары барды.

Жаңылыктар түрмөгү
0
Алгач жаңыларыАлгач эскилери
loader