Жөө адамды сүзүп, окуя болгон жерден качып кеткен айдоочу кармалды

Жазылуу
Кылмыш жаза кодексинин эки беренеси боюнча 34 жаштагы айдоочуга карата кылмыш иши козголду.

БИШКЕК, 14-авг. — Sputnik. Чүй облустук ИИББдин Жол кайгуул кызматынын инспекторлору жөө адамды өлтүрө сүзгөн 34 жаштагы айдоочуну кармады. Бул тууралуу Чүй ИИББдин маалымат кызматы билдирди.

Тез жардам автоунаасы. Архив - Sputnik Кыргызстан
Жолдон чуркап өтүп бараткан баланы машина сүзүп, каза болду
13-августта болжол менен түнкү саат 1:50лөр чамасында Бишкек — Кемин автожолунун 62 чакырымында,  жөө адамды сүзөн айдоочу окуя болгон жерден качып кеткен. Жабыркоочу жол кырсыгы болгон жерден каза болгон.

Ыкчам иликтөө иш-чараларынын жыйынтыгында катталган жол кырсыгына тийиштиги бар деген шек менен "Хонда-Степ-Вагон" машинасынын 34 жаштагы айдоочусу кармалган.

Каза болгон киши 55 жаштагы Чүй облусунун тургуну экени аныкталды.

Учурда Токмок ШИИБи тарабынан айдоочуга карата Кылмыш жаза кодексинин "Жол эрежесин бузуу" жана "Адамды коркунучта калтыруу" беренелери боюнча кылмыш иши козголду.

Жаңылыктар түрмөгү
0